Banorët e fshatit Bregdri të Prizrenit kanë ngritur shqetësimin lidhur me pamundësinë që nxënësit e klasave VI deri IX të ndjekin mësimin në shkollën e re, ndërtuar në këtë lokalitet.
Ditët e para të vitit shkollor ata kanë refuzuar që fëmijët e tyre të vazhdojnë të udhëtojnë për të ndjekur procesin mësimor, pasi që tashti, sipas tyre, janë krijuar kushtet infrastrukturore që mësimi të mbahet në shkollën e fshatit, shkruan Koha Ditore.
Ankesa e komunitetit është përcjellë tek organet komunale, me ç’rast, çështja është diskutuar edhe në takimin e kryetarit të Komunës, Ramadan Muja, me bashkëpunëtorët e tij.