NATO hap sot samitin dy ditor në Uels të Britanisë, ku fokus do të jenë temat mbi problemet në Ukrainën lindore dhe për miratimin e një plani që do të forcon praninë e NATO-s përgjatë kufijve lindorë të aleancës.
Presidenti i Shteteve të Bashkuara, Barack Obama dhe udhëheqës të shteteve anëtare të NATO-s, do të flasin edhe për veprimet e ruse në Ukrainën lindore, aty ku separatistët pro-rusë po luftojnë kundër forcave qeveritare të Ukrainës.
NATO thotë se separatistët po mbështetën nga Kremlini, diçka që zyrtarët rus e kanë mohuar në vazhdimsi.
Tema tjera të samitit përfshijnë edhe veprimet e militantëve të Shtetit Islamik në Irak e Siri, dhe për tërheqjen e forcave të NATO-s nga Afganistani.