Shefi i GP-së dhe nënkryetari i PDK-së në Prizren, Masar Shala është varrosur sot në Rogovë të Hasit.
Familjarë, bashkëveprimtarë, përfaqësues të institucioneve të ndryshme,dhe qytetarë të shumtë kanë bërë homazhe para trupit të pa jetë të tij.
Kryetari i Komunës së Prizrenit, Ramadan Muja, ka vlerësuar lartë kontributin që Shala ka dhënë në realizimin e idealeve kombëtare.
“Dje morëm një lajm të hidhur për ndarjen nga jeta të veprimtarit të shquar të kauzës kombëtare,njeriut të guximshëm, i cili shquhej për iniciativa në të mirë të qytetarëve dhe institucioneve”,tha Muja.
Shefi i GP-së së PDK-së në Asamblenë Komunale në Prizren,Masar Shala ka ndërruar jetë dje në Tiranë. Ai ka vuajtur nga një sëmundje e rëndë.
Bashkëpunëtori i tij shumëvjeçar, Azem Ramadani, tha se Masar Shala nuk kurseu asgje nga vetja për çlirimin dhe lirinë e vendit, transmeton TVPZ.
Pas përfundimit të akademisë komemorative,kortezhi funeral është nisur drejt fshatit Rogovë e Hasit,ku është organizuar ceremonia e varrimit të ,Masar Shalës./PrizrenPress.com/