Aktivisti i Lëvizjes Vetëvendosje! në Prizren, Kushtrim Dakaj, është arrestuar sot nga Policia e Kosovës.
Siç njofton VV, Dakaj është arrestuar në kohën sa ishte duke pirë kafe para zyrës së VV-së.
“Ai u arrestua nga 3 policë, të cilët i priste makina me dy të tjerë, pa e sqaruar fare se po e arrestojnë dhe pse po e arrestojnë”, njofton VV.
“Këto veprime të policisë ne i konsiderojmë presion politik të Qeverisë në ikje mbi Lëvizjen VETËVENDOSJE! si formë e shantazhit, e kërcënimit dhe e hakmarrjes lidhur me zhvillimet e fundit politike në vend”./PrizrenPress.com/