Kuvendi Kombëtar i Partisë Demokratike vijon sot ditën e dytë të punimeve. Në ditën e parë të Kuvendit votuan rreth 55 për qind e delegatëve, teksa orari i mbylljes së kutive u shty nga ora 18:00 për në 20:30.
Sot po votojnë 45% e 7500 delegatëve që nuk kanë votuar, dhe nga ku pritet të zgjidhen emrat e një numri të madh funksionarësh të Partisë Demokratike, duke nisur nga sekretari i përgjithshëm dhe sekretarët funksionalë, deri tek drejtuesit e departamenteve, përgjegjës për përgatitjen e platformave politike në PD, përfshi këtu edhe programin qeverisës dhe elektoral të partisë.
Ish-kryetari i PD-së, Sali Berisha i është drejtuar kutive të votimit rreth orës 17:18 të mbasdites së sotme, për të hedhur votën e tij për delegatët dhe anëtarët e rinj të kësaj partie.