Ndonëse kanë kaluar afër katër muaj nga vrasja e kandidatit për deputet të Partisë Demokratike të Kosovës (PDK), Elvis Pista, ende nuk ka asnjë person të dyshuar për këtë rast.
Zëdhënësi i Policisë së Kosovës, Baki Kelani, duke folur rreth hetimeve të zhvilluara për rastin e vrasjes së kandidatit për deputet të Partisë Demokratike të Kosovës (PDK), Elvis Pista, ka thënë për Telegrafin se “krejt çka mund të themi është se hetimet në drejtim të zbardhjes së këtij rasti janë duke vazhduar”.
Sipas tij, hetimet intensive janë duke u bërë në konsultim dhe në koordinim të ngushtë me prokurorinë përkatëse.
Ndryshe, kandidati për deputet i PDK-së, Elvis Pista, ishte vrarë me 15 qershor të këtij viti, për motive ende të panjohura.
Sipas një komunikate nga policia në Rahovec, thuhet se vrasja kishte ndodhur rreth orës 00:45 min në oborrin e restorantit “Haja Petrol”. /Telegrafi/