Ministri në largim i Diasporës dhe nënkryetari i AKR-së, Ibrahim Makolli mendon se Kosova mund të shkoj në zgjedhje të jashtëzakonshme.
Ai ka thënë se ashtu siç po shihet se si po shkojnë gjërat në mos gjetjes së një zgjidhjeje për ndërtimin e institucioneve ka mundësi që të shkohet në zgjedhje.
“Në bazë të asaj që po shohim nuk përjashtohen zgjedhjet, ka mundësi por është mekanizmi i fundit”, ka thënë Makolli për “Zëri”.
Ndërsa sa i përket asaj se do të shkonin ose jo në koalicion parazgjedhor me PDK-në, Makolli ka thënë se edhe pse së fundmi nuk është biseduar në AKR për një gjë të tillë, mendon se në zgjedhje do të shkojnë të vetëm.
“Së fundmi nuk kemi biseduar, por në një takim që kemi pas më herët pas zgjedhjeve, kur është parë se do të ketë vështirësi në ndërtimin e institutucioneve e kemi diskutuar një gjë të tillë por kemi ardhur në përfundim se në rast të zgjedhjeve do të hymë vetëm. Shohim se si do të rrjedhin gjërat”, ka thënë Makolli.