Veprimtari Adem Demaçi ka kundërshtuar idenë e ministrit të Punëve të Jashtme të Serbisë, Ivica Dacic, për shkëmbimin e Veriut të Kosovës me Kosovën Lindore.
Demaçi ka thënë se që të dy këto territore i takojnë Kosovës.
“Unë mendoj që nuk është e drejtë, sepse s’kemi ne mundësi me luajt me territore tona, t’i japim territore tona. Ato territore janë tonat dhe herët ose vonë kanë me iu kthye atyre që u takojnë. Kështu që me Serbinë nuk mund të bëjmë tregti, sepse dalim të humbur. Nuk mendoj se këto janë në interes të shqiptarëve. Edhe ato edhe këto, gjitha janë territore tona. Çka me lyp na. Jep tonën e merr tonën”, tha Demaçi. /Indeksonline/