Një person është arrestuar nga policia, pasi që dyshohet se ka vjedhur stoli ari në një shtëpi në fshatin Kobajë të Prizrenit. Zëdhënësi i PK-së në Prizren, Hazir Berisha njoftoi se i dyshuar ka pranuar vepren .
“Hetuesit policorë kanë arrestuar të dyshuarin Kolukaj mbi bazën e dyshimit se i njëjti, me datën 02 nëntor, rreth orës 13:00, në një shtëpi në fshatin Kobaj, ka kryer vjedhje të stolive të arta. I dyshuari është intervistuar në prani të avokatit mbrojtës dhe më pas është bastisur shtëpia e të njëjtit me qellim të gjetjes së dëshmive”, tha Berisha.
Në cilësi të provës materiale janë sekuestrua, dy unaza të arta; një unazë e argjendtë;një palë vathë të artë dhe një foto aparat digjital.
“I ballafaquar edhe me dëshmi dhe fakte tjera, i dyshuari i ka treguar policisë edhe për raste tjera të vjedhjeve që i ka kryer më parë.Hetuesit po punojnë për zbardhjen e rasteve veç e veç”.
Zëdhënësi Berisha po ashtu njiftoi për arrestimin e një të dyshuar për vjedhje në Krushe të Madhe.
“Hetues policorë nga Rahaveci , kanë arrestuar një të dyshuar nga se ekziston dyshimi i bazuar se i njëjti me datën 14 shtator, nga garazhi i viktimës kishte vjedhur mjete bujqësore dhe vegla pune si: plugje; freza të moto kultivatorit; shpuese e tjera në vlerë rreth 1000 euro”.
“I dyshuari ka dhënë disa adresa se ku i ka shitur gjësendet e vjedhura. Pas Intervistës është informuar prokurori i shtetit i cili ka nënshkruar vendimin për ndalimin e të dyshuarit në masën e arrestit policor”./PrizrenPress.com/