Ministria e Administratës Publike në epiqendër të fushëveprimtarisë se vet ka qeverisjen elektronike, nëpërmjet të cilës përpiqet të ngrit cilësinë e shërbimeve administrative.
“Ministria e Administratës Publike në epiqendër të fushëveprimtarisë se vet ka qeverisjen elektronike, nëpërmjet të cilës përpiqet të ngrit cilësinë e shërbimeve administrative dhe digjitalizimin e proceseve administrative. Në kuadër të shumë projekteve elektronike që ka realizuar është edhe ai për Sistemin e Menaxhimit të dokumenteve.
Ky projekt, që ka filluar kaherë, ndodhet në fazën e zbatimit. Si i tillë, projekti nis të zbatohet në Agjencinë e Shoqërisë së Informacionit e më pastaj edhe në Ministrinë Administratës Publike. Nëpërmjet këtij projekti digjitalizohen – automatizohen këto veprime: regjistrimi i lëndës, aprovimi, klasifikimi, vlerësimi, ruajtja, shfrytëzimi dhe publikimi i dokumenteve të institucioneve të Republikës së Kosovësdhe menaxhimi i gjatë i procesit të punës me këto dokumente, deri te dorëzimi në arkiv.
Ky projekt i e-Qeverisjes, do ta ndihmojë administratën shtetërore të vendit, qoftë në nivel qendror ashtu edhe në atë lokal,që të jetë shumë më efikase dhe transparente. Projekti nis me paneline njoftimeve, për të vazhduar me regjistrimin e lëndëve, lëndët në shqyrtim dhe procedurat përkatëse që kanë të bëjnë me dokumentet, që nga faza e pranimit deri te finalizimi dhe arkivimi i tyre.
Në këtë projekt janë zhvilluar edhe modulet nëpërmjet të cilave në mënyrë elektronike qytetarët mund të bëjnë kërkesa për qasje në dokumente zyrtare dhe të marrin përgjigje po ashtu në mënyrë elektronike”, thuhet në njoftim.