Një këngë për Sokol Olldashin në ceremoninë që do të zhvillohet në 20 nëntor në hotel Rogner në 1 vjetorin e ndarjes nga jeta të një prej politikanëve më të rëndësishëm të Partisë Demokratike.
‘Panorama” citon burime nga organizatorët e kësaj ceremonie që thonë se kënga do të këndohet nga Aleksandër Gjoka ndërsa orkestrimin e ka bërë Shpëtim Saraci. Por teksa japin këto detaje mbeten të rezervuar për autorin e tekstit.
“Me Sokolin” është titulluar nga organizatorët ceremonia përkujtimore në ndër të ish-ministrit të Transporteve, i cili ka dhënë kontribut disavjeçar në politikën shqiptare, po ashtu dhe si deputet i Kuvendit të Shqipërisë që nga viti 2001. Ftesa e shpërndarë nga miqtë e ngushtë të Sokol Olldashit në pjesën e parë të saj mban firmën e ish-deputetit demokrat, ndërkohë që në anën tjetër është vendosur fotografia e tij me nënshkrimin: “Takohemi të enjten më 20 nëntor 2014, ora 18:00, në sallën ‘Apollonia’ në Hotel Rogner. Miqtë e Sokol Olldashit”.