Rektori i Universitetit të Prishtinës, Ramadan Zejnullahu nuk ka marrë mbështetjen e shumicës së anëtarëve të Këshillit Drejtues për t’i thënë “Jo” vendimit të ministrit të Arsimit, Ramë Buja për regjistrimin me automatizëm të mbi një mijë studentëve, që janë sjellë përmes listave nga Shoqatat e dala nga lufta.
Burime të “Kohës Ditore” bëjnë të ditur se shtatë nga nëntë anëtarët e Këshillit Drejtues, i cili organ vetë e ka zgjedhur rektorin Zejnullahu në këtë post para dy muaj e gjysmë, tani janë shprehur kundër qëndrimit të tij refuzues për pranimin me automatizëm të mbi një mijë studentëve në UP, të cilët megjithatë nuk kanë treguar as minimumin e njohurive për fushën në të cilën kanë synuar të studiojnë, duke mos i marrë as 30 për qind të pikëve në testin pranues, transmeton Koha.net.
Ai tani, ka thënë se do të analizojë këto qëndrime të anëtarëve të KD-së dhe do të reflektojë gjatë ditëve në vijim, në lidhje me atë se çfarë vendimi do të marrë.