Ish kreu i SHISH, Fatos Klosi, tha pak ditë më parë se shumë prej dosjeve të Sigurimit të Shtetit janë zhdukur, ose janë ndryshuar.
Se sa e lehtë mund të jetë kjo gjë, e ka treguar Blendi Fevziu. Ai ka paraqitur mbrëmjen e djeshme në emisionin “Opinion”, dy dosje origjinale të Sigurimit të Shtetit.
Dosjet i përkisnin degës së Dibrës.
Fevziu, i pyetur nga deputetja Mesila Doda, nuk ka pranuar të tregojë se ku i ka gjetur këto dosje.
Ai ndërkohë, sipas ligjit, edhe mund të arrestohet, për përvetësim dhe publikim të dosjeve secrete.
Por, përtej kësaj, imagjinoni se çfarë kanë bërë gjithë këto vite me dosjet ata që kanë pasur pushtetin në Shqipëri?! Rrezik bashkëpunëtorët e Sigurimit do na dalin si të përndjekur nga regjimi, nëse dosjet hapen vërtet, pas deklaratave të kryeministrit Rama./