Historia e themelimit dhe ngritjes në famë të grupit legjendar të rokut, Guns N’ Roses, do të shndërrohet në një film të mbështetur në biografinë e realizuar nga Marc Canter, “Reckless Road: Guns N’ Roses And The Making Of Appetite For Destruction”.
Sipas Canter, ende nuk janë përzgjedhur aktorët sepse po punohet për “skenarin perfekt”, mirëpo sipas NME, pritet që aktorët të jenë të klasit të lartë.
“Kur ta kuptoni se kush po e bën regjinë e filmit, do ta kuptoni që do të jetë fantastik. Jam krenar për gjithë punën që është bërë dhe do të jetë shumë më ndryshe sesa filmat si ‘Rock Star’”, ka thënë Canter.
Në anën tjetër, Guns N’ Roses në korrik të këtij viti lansuan një film koncertal në formatin 3D, të quajtur “Appetite For Democracy 3D: Live From The Hard Rock Casino”, ndërsa më herët, frontmeni i grupit, Axl Rose, ka thënë se bendi së shpejti vjen me dy albume.