Sonte starton nata e parë e edicionit të 16-të të festivalit “Kënga Magjike” në televizionin Klan. Si çdo vit, festivali do të zhvillohet në skenën e Pallatit të Kongreseve, në datat 11, 12 dhe 13 dhjetor. Edhe këtë vit skenariste do të jetë Dalina Buzi dhe skenografia do ti besohet skenografit të Sanremo, Gaetano Castelli.
Përsa i përket prezantimit, këtë vit Arditi në skenë nuk do të shoqërohet as nga ndonjë bukuroshe e huaj, as nga ndonjë yll i skenave shqiptare. Do të jenë pesë djem e vajza që do të shoqërojnë Arditin gjatë prezantimit, prezantues të Mad TV. Skenaristja Dalina Buzi ka thënë për Anabel.al se këta djem e vajza nuk do t’i përmbahen me përpikmëri një teksti, por do të sjellin lirshmërinë dhe energjinë e tyre rinore që i ka bërë aq të dashur në ekranin e Mad TV.