Lidhja Demokratike të Kosovës, sot në mbledhje të ndara, me kryetarë të degëve dhe në mbledhje të Kryesisë, diskutoi për proceset e fundit në vend.
Degët e LDK-së, uruan Isa Mustafën për postin e Kryeministrit, dhe vlerësuan lartë rolin shtetformues të LDK-së.
Kryesia e LDK-së, diskutoi rreth ndarjeve të Komisioneve Parlamentare, si dhe caktoi kryesuesit e Komisioneve Parlamentare qe i takojnë LDK-së.
Komisioni për Buxhet dhe Financa do të kryesohet nga Naser Osmani, Komisioni për Integrime Europiane nga Teuta Sahatqija, Komisioni për Drejtat e njeriut, barazi gjinore, persona të pagjetur dhe peticione, do të udheheqet nga Lirije Kajtazi, Komisioni për Zhvillim Ekonomik, Infrastrukturë dhe Telekomunikacion nga Muhamet Mustafa, kurse Teuta Rugova do të jetë Nën-Kryesuese e Komisionit për Politike të Jashtme.