Lutfi Haziri mendon se deputetët e LDK’së, të cilët nuk e votuan Isa Mustafën për Kryeministër, do të pendohen.
Në Interaktiv të KTV’së, ai ka thënë se vendimet e Këshillit të Përgjithshëm të LDK’së duhet respektuar. Madje, ka shtuar se është praktikë e mirë të votohet kundër liderit të partisë.
“Do të pendoheni. Ata që ngritën dorë kundër Isa Mustafës, do të pendohen. Do të pendohen që e lëshuan mundësinë të votojnë për Kryeministrin e radhëve të LDK’së”.
Haziri ka përmendur se ekziston një nen i cili flet për përjashtimet nga partia për ata që votojnë kundër vendimeve të saj, mirëpo ka thënë se nuk bëhet fjalë për përjashtime.
Për Vjosa Osmanin, e cila ka votuar kundër, Lutfi Haziri ka pohuar se është favorizuar kur është vënë në listën zgjedhore me numër 3.