Nisma për Kosovë në Prizren ka akuzuar pushtetin komunal për keqpërdorimet e shumta që po bëhen në sektorin e arsimit. Sipas këtij, subjekti politik, aktakuza e ngritur nga Prokuroria Themelore në Prizren, kundër drejtorit të Arsimit, Nexhat Çoçajt,tregon qartë se pushteti i Ramadan Mujës përveç me paratë publike, ka keqpërdorur edhe emrat e dëshmorëve.
“Çoçaj, përveq abuzimeve dhe keqpërdorimeve me të gjallët, ka abuzuar dhe keqpërdor edhe me gjakun e dëshmorëve “.
“Të thirresh në emër dhe vlera të dëshmorëve , e në anën tjetër të vjedhësh në emër të tyre është njëjtë sikur të thuhet – ‘’Liria nuk është e shenjtë dhe rënja në altarin e lirisë është panevojshme ‘’.
“Thonë se një popull nëse nuk din t’i respektoj të vdekurit, nuk din t’i respektojë as të gjallët”
“Thuhet se politika bëhet e pistë atëherë kur politikanet nuk i ndjekin normat e moralit . Dhe kur në një qeveri mendohet vetëm për paratë dhe për pushtetin pa u shqetësuar fare për moralin , atëherë nuk kemi pse të habitemi që këta qeveritar e kanë bërë të pistë vendin”.
“Sjellje abuzive ndaj qytetarëve , nepotizëm , shkelje ligji dhe shumë fenomene të ndryshme negative , kanë lëshuar rrënjë shumë thellë si në tërë vendin ashtu edhe në Komunën e Prizrenit . Në vazhden e këtyre gjërave të liga që po i bëhen komunës së Prizrenit , është edhe ajo që me vite po ndodh në drejtorinë e arsimit e veçanërisht ditëve të fundit . Kjo të bënë të kuptosh se sa e trishtueshme është situata në komunen e Prizrenit në përgjithësi”
Nisma për Kosovën’ – Dega në Prizren konsideron se , të veprohet deri në këtë masë sa të akuzohesh për vjedhje dhe keqpërdorim të mjeteve të ndara për manifestime të dëshmorëve , nuk ka si të spjegohet ndryshe veçse injorancë ndaj dëshmorëve dhe humbje shprese për të gjallët”.
“Këta pushtetar çdo ditë e më shumë me veprimet e tyre po e argumentojnë një gjë të tillë . Një pushtet me një kryetar dhe shumë drejtor të dënuar për shumë vepra penale , kanë mbytur shpresat e qytetarëve të vendit dhe si rrjedhojë kemi tashmë fenomenin e ikjes nga Kosova si në kohen e Millosheviqit . Një krahasim i tillë dëshmon më së miri se sa trishtueshme është situata në vend”.
“Edhe në komunikatat e mëparshme në kontekst të këtyre veprimeve , Nisma për Kosovën –Dega në Prizren, patë vërejtur abuzim të sistemit arsimor dhe shkelje ligji në komunen e Prizrenit , por veprimet e tanishme sikur i vënë kapakun të këqijave të qeverisjes Muja dhe klanit të tij”.
“Duke u bazuar në këto veprime që po shkakton kjo qeverisje komunale, Nisma për Kosovën- Dega në Prizren konkludon se këto veprime jo vetëm që janë të pa pranueshme , por ato janë edhe të dënueshme dhe si të tilla e kanë vetëm një adresë e kjo adresë tashmë është e njohur për të gjithë “./PrizrenPress.com/