Deputeti i Kuvendit të Kosovës nga radhët e PDK-së, Rrustem Mustafa – Remi, përmes një postimi në facebook ka tërhequr vërejtjen kryeministrit të vendit që të përmirsojë komunikimin ndërinstitucional si dhe atë medial.
Rrustem Mustafa, i cili gjatë ngërçit politik të vitit 2014, vazhdimisht kishte thënë se do të ndodhë koalicioni PDK-LDK, ka thënë se “po ofrohet koha kur koalicioni i madh nuk do të jetë domosdo, prandaj liderët duhet pasur kujdes për arsye se jo me çdo kusht munden me qëndru në pozitat e dëshiruara”, transmeton Telegrafi.
Lexojeni të plotë postimin e Mustafës në Facebook:
“Sfidat institucionale karshi koalicionit të madh
Në bazë të formës së qeverisë, në sistemin parlamentar kryemistri i vendit e ka pushtetin përfundimtar, ai është lideri i pushtetit ekzekutiv dhe ka për obligim të përmirsojë komunikimin ndërinstitucional si dhe atë medial.
Po ofrohet koha kur koalicioni i madh nuk do të jetë domosdo, prandaj liderët duhet pasur kujdes për arsye se jo me çdo kusht munden me qëndru në pozitat e dëshiruara.
Vendit i duhet normalizim institutcional, kjo arrihet me politika e sjellje të qytetëruara dhe komunikim efektiv për të qenë afër prioriteteve në nevojë.
Kemi nevojë për ndjeshmëri të lartë ndaj rendit, ligjit në përgjithësi, të politikëbërsve në veqanti..!!”(sic.), ka shkruar Mustafa. /Telegrafi/