Deputeti i LVV-së, Artan Abrashi, ka thënë se PDK nuk është duke reaguar sipas tij për mbajtjen e zgjedhjeve të Serbisë edhe në Kosovë.
“Ku je PDK? Më kujtohen seancat e fillim vitit kur nisi punën Qeveria Kurti, pjesa e djathë e Kuvendit ku ishte ulur PDK-ja, gumzhonte pandërprere me mllef e urrejtje. Flisnin për rrënimin e shtetit pse disa mjek serb kontrollonin të infektuarit me Covid-19 nga një dasëm në veri, e mandej e shpallën “invazionin” e Serbisë në Kosovë pse u pranuan teste që ishin në mungesë për nevoja të popullatës”.
“U ndihej piskama në korridor së bashku me goditjet e foltores që dukej se paralajmronin edhe grushtat në fund të seancës. Pas çdo fjalimi, pritjej një nënqeshje e Kadriut si shenjë e miratimit për performancën e deputetëve të PDK-së. Nëse nuk kishte shenja, ata egërsoheshin edhe më shumë. Kështu vazhdoi për një kohë”.
“Ndërsa sot mbahen zgjedhjet e Serbisë në territorin e Republikës së Kosovës. Votoi edhe Zv/Kryeministri Rakiq me krenari, duke i ba thirrje serbëve ta kryenin obligimin ndaj shtetit të tyre të vetëm, Serbisë. U cënua rendi juridik dhe kushtetues para gjithë dynjasë. Haptas e thojnë se Beogradi bënë çka të dojë, bile bile, ka në dorë edhe fatin e Qeverisë Koti që u kontrabandua me votat e tyre”.
“Ku është PDK? Pse nuk ndihet gjallë? Në cilën strofull janë strukur? Ku është Republika, pavarësia, lufta për liri dhe gjaku i dëshmorëve? Kadri ku je?”, ka shkuar Abrashi në rrjetin social Facebook.