10.8 C
Prizren
E shtunë, 18 Maj, 2024

Afati që nuk iu respektua

AlbinKurti1205Lideri i Vetëvendosjes, Albin Kurti, më 11 korrik, ka deklaruar se e diela është koha e fundit kur Blloku Opozitar dhe VV duhet të vendosin nëse do të ketë marrëveshje mes tyre, pas një muaji bisedimesh, për mundësinë e qeverisjes së përbashkët të vendit.

Në këtë pikë, është shprehur i prerë.
Duke folur për hyrjen në koalicionin qeverisës me LDK-AAK-Nisma, pasi është regjistruar si Deputet i Kuvendit, të premten, ai ka thënë se më nuk mund të vazhdojnë vetëm të takohen dhe të dakordohen e përafrojnë qëndrimet, por duan që gjithë kjo të përmbyllet deri të dielën me një marrëveshje, në mënyrë që ata të marrin vendim nga anëtarësia e VV’së nëse do t’i bashkohen koalicionit ose jo.

“Ç’është e vërteta, unë asnjëherë s’e kam përmendur fjalën ultimatum. Mirëpo, është e vërtetë se kam thënë shumë qartë se deri të dielën ne presim që subjektet e koalicionit LDK-AAK-Nisma të na përgjigjen lidhur me dokumentin që e kemi dërguar tek ata, me datën 8 korrik, lidhur me dy kriteret themelore të Vetëvendosjes, për Dialogun dhe Privatizimin”.
“Pra, konsiderojmë se nuk mund të vazhdojmë më kësisoj me takime e dakordime verbale, pa marrëveshje të shkruar”.

Takimi me Vetëvendosjen nuk është mbajtur fare të dielën, me arsyetimin e Bllokut Opozitar “për shkaqe private, familjare.”

Ai është mbajtur të hënën në orën 10:00, por nuk solli marrëveshjen. Ramush Haradinaj dhe Albin Kurti pohuan se kishin shpërputhje, thanë se Grupi Punues do të vazhdojë me harmonizimin e qëndrimeve, ndërsa lanë të hapur mundësinë edhe për një takim në orët e mbrëmjes,transmeton politiko.net

Në mbrëmje, sërish nuk ndodhi takimi. Lideri i LDK’së, Isa Mustafa, pasdite u nis për Tiranë, ku takoi Liderin e PD’së, Lulzim Basha.

Blloku Opozitar nuk dha asnjë sqarim për këtë shtyrje, ndërsa as Vetëvendosje nuk reagoi.
Sot është e martë dhe Albin Kurti nuk do të ketë më kohë për të pritur, nëse ende mendon ta mbajë referendumin me anëtarësinë e Vetëvendosjes, ku do të thuhet fjala finale për të vendosur për çfarëdo koalicioni.

Kurti ka pohuar se ky referendum është i domosdoshëm, njësoj siç ka pohuar se pa marrëveshje Vetëvendosje nuk e voton Isa Mustafën për Kryeparlamentar, të enjten, në seancën konstituive të Kuvendit.

Më Shumë

Kundërshtohet heqja e emrit të Hasan Prishtinës nga UP-ja

Një aksion simbolik është mbajtur sot para Kuvendit të Kosovës. Përmes këtij aksioni, është kundërshtuar heqja e emrit të Hasan Prishtinës, nga Universiteti i Prishtinës. Mehmet...

Fillon realizimi i projektit për restaurimin e shtegut drejt Kalasë së Prizrenit

Ka nisur shtrimi i shtegut drejt Kalasë së Prizrenit. Ky projekt paraqet një hap të rëndësishëm drejt përmirësimit të infrastrukturës në zonën e nënkalasë, duke...

Lajmet e Fundit