Drejtori i Spitalit Rajonal “Daut Mustafa” në Prizren Afrim Avdaj thotë se është i kënaqur me përmirësimin e punës në këtë institucion shëndetësor. Ai tregon se ky institucion shëndetësor mbulon 500 mijë banorë të Komunës së Prizrenit, si dhe ata të veriut të Shqipërisë.
“Spitali i Prizrenit mbulon me shërbime mbi 500 mijë banorë të rajonit të Prizrenit”, tregon Avdaj për TVO.
Ai ankohet se një pjesë e aparaturës në këtë institucion është vjetruar dhe kërkon riparime shumë të shtrenjta, siç është rasti me CT-në.
Avdaj thotë se Spitali I Prizrenit meriton buxhet më të madh. Sa i përket listës së barnave esenciale drejtori I Spiatlit Rajonal thotë se shërbimet nga lista vitale e barnave ka qenë mirë e mbuluar.
Ndërkaq, pacientët shprehen të kënaqur me ndryshimet në të mirë të punës në repartin e kirurgjisë. Ndërsa të kënaqur me punën e mjekëve shprehen edhe pacientët edhe përcjellësit e tyre. Edhe në Urgjencë sipas pacientëve ka rregull dhe shërbimet janë të shpejta./TV Opinion/