Libri është tërhequr nga tregu, por autori i saj nuk e di. Të paktën kështu është shprehur akademiku Sabri Hamiti për veprën e tij “Utopia Letrare”, të cilën së fundmi e ka tërhequr nga tregu botuesi i saj, gjegjësisht Akademia e Shkencave dhe Arteve të Kosovës.
“Unë nuk kam informacione që libri është tërhequr sepse nuk ka ndonjë arsye për këtë veprim. Libri është pritur mirë, është prezantuar edhe në Panairin e Tiranës. Ndoshta janë shitur kopjet dhe ka mungesë të tirazhit, por unë nuk merrem me këtë çështje”, ka thënë Hamiti.
Gazeta fillimisht e ka kërkuar librin në librarinë e ASHAK-ut dhe ka arritur të fotografojë kopertinën e librit e cila duket në rregull, por punonjësit kanë thënë se libri është rikthyer në shtyp për shkak të disa gabimeve teknike, e kjo është edhe arsyeja që nuk është në tregun letrar