Në Xërxë të Rahovecit, dje rreth orës 13:20, është raportuar për një aksident trafiku në mes të dy automjeteve me ngasës meshkuj.
Si pasojë e aksidentit, lëndime të rënda trupore kanë pësuar të dy ngasësit e automjeteve dhe dy pasagjerë meshkuj.
“Të lënduarit janë dërguar në Emergjencën e Gjakovës për tretman mjekësor ndërsa njëri nga ngasësit nga lëndimet e rënda ka ndërruar jetë”, njofton Policia e Kosovës.
I dyshuari, ndërkaq mësohet se është arrestuar por gjendet për shërim në spital nën mbikëqyrje policore.
Trupi i pajetë i viktimës u është liruar familjarëve./PrizrenPress.com/