Një aksident me pasojë vdekjen e një personi ka ndodhur në fshatin Lurë të Dibrës mbrëmë rreth orës 23:30.
Mësohet se nga aksidenti ka humbur jetën një person dhe është plagosur një tjetër. Viktima është 27-vjeçari Fatjon Kaci, ndërsa i plagosur ka mbetur drejtuesi i makinës.
Aksidenti ndodhi si pasojë e daljes nga rruga të automjetit tip “Land Rover” me targa “KR 6461 A”, që drejtohej nga Ndriçim Cuku 30 vjeç. Ky i fundit është jashtë rrezikut për jetën dhe është shoqëruar në polici.
Njoftimi i policisë
Më datë 02.04.2016 rreth orës 23.30 kemi marë njoftim se shtetasi Ndriçim Cuku, 30 vjeç, banues në fshatin Lurë e Vjetër, duke drejtuar automjetin tip “Land Rover” me targa “KR 6461 A” në vendin e quajtur Fushë- Lurë ka dalë nga rruga dhe si pasojë ka gjetur vdekjen pasagjeri shtetasi me inicialet F.K., 26 vjeç, banues në Lurë.
Forcat e policisë kanë shkuar në vend ngjarje ku kanë bërë shoqërimin e drejtuesit të mjetit për në Komisariatin e Policisë Dibër.
Grupi hetimor po kryen veprimet në vend ngjarje për të përcaktuar shkakun e daljes nga rruga të automjetit.