Një aksident i rënë ka ndodhur mëngjesin e sotëm në mbikalimin e Urës së Dajlanit në Durrës. Si pasojë e përplasjes, automjeti është ndarë më dysh, ndërsa shoferi ka ngelur i plagosur rëndë.
Burime të agjencisë NOA.al bëjnë me dije se i plagosuri është identifikuar si A. Karamani, i cili është transportuar me shpejtësi për në spital, ku edhe po merr mjekimin e duhur nga ana e mjekëve.
Ai po udhëtonte me një automjet tip “Audi” dhe është përplasur me bordurën e rrugës, sipër Urës së Dajlanit. Dyshohet që shkak i aksidentit të jetë bërë shpejtësia e madhe, tej normave të lejuara. Policia ka mbërritur në vendngjarje dhe po punon për zbardhjen e plotë të shkaqeve.