Të paktën 17 persona kanë vdekur dhe 36 të tjerë kanë mbetur të plagosur nga përplasja e një autobusi me një shtyllë elektrike në lindje të Turqisë.
Mjeti transportonte emigrantë pa dokumente të rregullta, të kombësisë pakistaneze, afgane e iraniane, të cilët kishin hyrë në vend nga kufiri me Iranin. Autobusi kishte vetëm 14 vende dhe ishte i mbipopulluar. Nuk është akoma e qartë nëse kjo gjë ka ndikuar në shkaktimin e aksidentit tragjik.
Guvernatori i provincës, Enver Unlu, ka thënë se furgoni me migrantë ka goditur një shtyllë dhe është përfshirë nga flakët.
Disa nga viktimat kanë vdekur gjatë përplasjes me shtyllën, ndërsa pjesëtarët e tjerë kanë vdekur pasi furgoni më pas është përplasur me një tjetër makinë që po ashtu ishte duke bartur migrantë.
Agjencia shtetërore e lajmeve Anadolu ka thënë se migrantët kanë qenë nga Afganistani, Pakistani dhe Irani dhe se makinat e tyre kanë kaluar ilegalisht në Turqi nga Irani.
Unlu ka thënë pasi ka arritur në skenën e sotme se “ne jemi duke u përballur me një tragjedi të dhimbshme të migrantëve”.