Dy depo të supermarketëve në Fushë-Kosovë dhe Graçanicë janë mbyllur përkohësisht.
Kështu ka bërë të ditur Ministria e Industrisë, Ndërmarrësisë dhe Tregtisë (MINT).
“Gjatë aksionit të sotëm të Ministrisë së Industrisë, Ndërmarrësisë dhe Tregtisë, konkretisht Inspektorati i Tregut në bashkëpunim me Drejtorinë për Hetimin e Krimeve Ekonomike të Policisë së Kosovës, janë mbyllur përkohësisht dy depo të operatorëve ekonomikë (në Fushë Kosovë dhe Graçanicë)”, thuhet në njoftimin e Ministrisë.
Njësia e Krimeve Ekonomike e Policisë së Kosovës sonte është parë në deponë e njërit prej rrjeteve të supermarketeve në afërsi të Lipjanit.