Moska zyrtare po dërgon kolona me përforcime ushtarake në rajonin e Kharkiv-it në Ukrainë.
Kjo sipas raportimeve të publikuara nga mediat ruse.
Trupat ukrainase i kanë shtyrë forcat ruse nga një numër vendbanimesh në rajon që Moska i pushtoi në ditët e para.
Të premten ushtria e Ukrainës dukej se po vazhdonte përparimin e saj të shpejtë.
Në një fjalim, presidenti Volodymyr Zelenskiy tha se forcat ukrainase kishin çliruar më shumë se 30 vendbanime në rajonin e Kharkiv-it.
Një zyrtar i instaluar nga Rusia në pjesën e pushtuar të rajonit të Kharkiv e pranoi këtë fakt.
“Vetë fakti i një shkeljeje të mbrojtjes sonë është tashmë një fitore thelbësore për forcat e armatosura ukrainase”, tha Vitaly Gançev për televizionin shtetëror, duke shtuar se përparimi i Ukrainës ishte “shumë i mprehtë dhe i shpejtë”.
Rusia u përgjigj të premten duke gjuajtur raketa në qendër të qytetit, sipas zyrtarëve lokalë, të cilët thanë se të paktën 10 persona, përfshirë tre fëmijë, u plagosën.
Çfarë mund të mos keni parë këtë verë te Shatërvani në Prizren?