Për një shoqëri të infiltruar nga krimi i organizuar, ka folur shefi i EULEX-it, Gabriele Meucci, në një reportazh të publikuar në një gazetë zvicerane.
Por, analistët kosovarë shprehen se nga korruptimi nuk kanë shpëtuar as pjesëtarët e EULEX-it, e madje edhe i kanë përkrahur të korruptuarit, raporton KTV.
Shpend Kursani shprehet se EULEX-i ka përkrahur të korruptuarit në Kosovë.
Derisa është pyetur për atë që Meucci e ka cilësuar si gjueti shtrigash ndaj EULEX-it, Kursani është shprehur se në fakt, nga pritjet që kosovarët kanë pasur prej misionit evropian, janë kursyer nga kritikat.
E për një kapje të misionit të EULEX-it nga pushteti, flet edhe Krenar Shala, që thotë se kjo ka qenë një nga arsyet që edhe sistemi i drejtësisë nuk ka arritur të përmirësohet.