Agjencia Kundër Korrupsionit ka marrë vendimin që të mbylla rastin ndaj kryesuesit të Këshillit drejtues të universitetit “Ukshin Hoti” në Prizren, me arsyetimin se nuk ka prova për argumentimin e gjendjes së konfliktit të interesit, shkruan sot “Koha Ditore”.
Ushtrimi i këtij funksioni nga ana e Parim Kosovës, duke qenë njëkohësisht dhe bashkëpunëtor profesional në Qendrën Rajonale të Trashëgimisë Kulturore në Prizren sipas AKK-së nuk paraqet konflikt interesi.
“Mbyllet rasti për Parim Kosovën, kryesues i Këshillit drejtues në universitetin e Prizrenit “Ukshin Hoti”, për shkak se nuk ka prova të mjaftueshme që argumentojnë dyshimin e arsyeshëm të gjendjes së konfliktit të interesit”, shkruan në vendimin e nënshkruar nga drejtori i AKK-së, Shaip Havolli. Aty theksohet se rasti mund të rihapet në çdo kohë kur mund të paraqiten rrethana të reja. (Koha Ditore)