23.8 C
Prizren
E premte, 19 Gusht, 2022

Arabia Saudite rrit furnizimin me naftë, çmimi i qëndrueshëm

Që kur Arabia Saudite dhe prodhuesit aleatë ranë dakord të nisnin nxjerrjen e naftës më shpejt, çmimi mezi ra.

Të hënën e 6 qershorit, nafta bruto Brent llogaritej 119.51 dollarë për fuçi, më e lartë se përpara takimit të rëndësishëm të të enjtes së kaluar të grupit OPEC +.

Pas muajsh presioni nga Shtëpia e Bardhë, Riadi u zbut dhe ra dakord me prodhuesit e tjerë të Opec+ për të përshpejtuar prodhimin.

Vendimi tërheq përpara rritjet e furnizimit të planifikuar nga grupi për shtatorin dhe gushtin, kur rritja mujore do të jetë rreth 650 mijë fuçi në ditë.

Rritjet ishin një përpjekje për të shtypur një rritje të tregut të naftës që kërcënon rritjen ekonomike globale dhe i ka shtyrë çmimet e naftës në SHBA në nivelet më të larta historike.

Çka ka shkaktuar probleme për presidentin Joe Biden vetëm disa muaj përpara zgjedhjeve afatmesme të Kongresit.

Për analistët dhe një zyrtar të përfshirë në diplomaci, marrëveshja tregonte një shkrirje midis Arabisë Saudite dhe Shtëpisë së Bardhë.

Tanimë, shumë vende më të vogla anëtare të OPEC+ kanë dështuar në përmbushjen e kuotave më të ulëta të prodhimit gjatë muajve të fundit.

Kjo e ka lënë grupin me rreth 2.6 milionë fuçi në ditë nën prodhimin e synuar, pothuajse tre për qind e kërkesës globale për naftë.

Gjithsesi, konsulentët Rapidan Energy Group besojnë se Opec+ do të arrijë të rrisë prodhimin me vetëm 355 mijë fuçi në ditë në dy muajt e ardhshëm.

Por kjo është pak krahasuar me tre milionë fuçi në ditë të furnizimit me naftë që Agjencia Ndërkombëtare e Energjisë (IEA) thotë se mund të humbasë nga Rusia në gjysmën e dytë të vitit pasi sanksionet shtrëngohen.

SHBA-të kërkonin më shumë nga OPEC+ sepse rritja e ofertës nga prodhuesit e tjerë ka qenë gjithashtu e vakët, veçanërisht në Texas.

Furnizuesit amerikanë të argjilës, prodhimi galopant i të cilëve ndihmoi në mbajtjen e çmimeve të naftës në kontroll vitet e fundit, mbeten ngurrues për të përshpejtuar shpimin e puseve të reja.

Në vend të kësaj, ata po derdhin të ardhurat e tyre nga çmimet më të larta në dividentë dhe kthime të aksioneve.

Përpjekjet e SHBA-ve për të inkurajuar më shumë eksporte të papërpunuara nga sektori i sanksionuar i naftës i Venezuelës nuk kanë funksionuar ende.

Një marrëveshje e re bërthamore me Iranin që do të lejonte naftën e vet të kthehet në treg mbetet e largët.

Ndërkohë, vendimi i Arabisë Saudite për të përshpejtuar rritjen e furnizimit do të zgjasë më tej kapacitetin rezervë të OPEC-ut.

Njëherazi, konsumi vazhdon të rritet.

OPEC mendon se bota do të konsumojë 100.3 milionë fuçi në ditë këtë vit, nga 97 milionë fuçi në ditë në vitin 2021.

Teksa IEA u ofroi konsumatorëve një plan 10-pikësh për të ulur përdorimin e naftës, Shtëpia e Bardhë e ka anashkaluar atë lloj mesazhi ruajtjeje.

Në vend të kësaj, ka hapur rubinetat e rezervës së saj të papërpunuar emergjente, ka qortuar kompanitë e naftës për rritjen e pretenduar të çmimeve dhe ka hequr disa rregulla të ndotjes së ajrit.

Paçka rritjes prej më shumë se 500 për qind në çmimin e naftës gjatë dy viteve të fundit, çmimet e naftës së papërpunuar mbeten nën kulmin e tyre historik të vitit 2008 në terma realë dhe nominalë.

Çka sugjeron se ato mund të shkojnë edhe më lart.

Mënyra më e papritur që rritja e çmimeve tenton të zbehet duket gjithnjë e më e besueshme, një recesion që tkurr ekonominë globale dhe bashkë me të edhe etjen për naftë.

Marrë nga “Financial Times”, përshtatur për “Albanian Post”.

/Albanianpost.com

Më Shumë

Britania bëhet vendi i parë në botë që miraton vaksinën ndaj Omicron

Britania e Madhe është bërë vendi i parë në botë që ka miratuar vaksinën ndaj variantit të koronavirusit Omicron. Sipas zyrtarëve britanikë, vaksina ndaj Omicron...

Sa importon nga Serbia dhe sa eksporton Kosova mallra në Serbi?

Serbia eksporton në Kosovë mallra me vlerë prej qindra miliona eurosh çdo vit. Por, në Serbi, interesimi për produkte nga Kosova është dukshëm më...

Lajmet e Fundit