Kryevepra e dramaturgut të njohur botëror Henrik Ibsen ‘Armiku i popullit’, e adaptuar nga dramaturgu amerikan Arthur Miller, do të jetësohet në Teatrin Profesionist të Qytetit të Prizrenit nga regjisori i njohur shqiptar Fatos Berisha, shkruan KultPlus. Kjo shfaqje është në përgatitje e sipër, gjersa përbëhet nga aktorë të Prizrenit dhe aktorë nga Prishtina.
Në kastën e aktorëve bëjnë pjesë: Shpetim Selmani, Xhevdet Doda, Afrim Kasapolli, Alban Çela, Alban Krasniqi, Afrim Muçaj, Zana Duraku, Hajat Toçilla, Alban Morina, Edona Sopaj, Rifat Smani, Fetah Paçarizi dhe Ernest Malazogu. Kostumet e shfaqjes do të realizohen nga Samka Ferri, skenografia nga Petrit Bakalli, ass.regjie Kaltrim Balaj ndërsa përkthimi i tekstit është bërë nga Lekë Berisha.
Shfaqja pritet të dalë në javën e parë të korrikut me premierë ndërsa regjisori Fatos Berisha, së fundmi ka realizuar edhe disa shfaqje të tjera mjaft të suksesshme nëpër teatrot e qyteteve të Kosovës./ KultPlus.com