Policia e Kosovës ka njoftuar se ka arrestuar dy persona në Malishevë, pasi të njëjtit kishin kanosur me armë dy persona të mitur.
Në njoftim thuhet se Policia në shtëpinë e të dyshuarve B.B., viti i lindjes 1996 dhe B.B., viti i lindjes 1963, kishte gjetur armë.
“Pas një aktiviteti operativ dhe hetimor nga Stacioni Policor në Malishevë është arritur që të dyshuarit të arrestohen mbi dyshimin e arsyeshëm për mbajtje në pronësi, kontroll ose posedim të paautorizuar të armëve me urdhërkontrollin e lëshuar nga Gjykata. Urdhërkontrolli është realizuar në vendbanimin e të dyshuarve në fshatin Shkozë të Malishevës, me ç ‘rast është sekuestruar një pushkë automatike (kalibër i panjohur), dhe 31 copë fishekë të armës së njëjtë, si dhe një pistoletë më gaz”, thuhet në njoftim.
Me urdhër të Prokurorit, personat e arrestuar janë ndaluar për 48 orë në ndalim policor.