Drejtoria Rajonale e policisë në Gjakovë, respektivisht stacioni policor në Malishevë mesnatën e së dielës ka pranuar informacion lidhur me një rast vjedhje të rëndë të ndodhur në një dyqan në rrugën “Ibrahim Mazreku” në këtë qytet.
Personat e arrestuar lidhur me këtë rast janë:S. K.-49 vjeçar, F. P. 45 vjeçar dhe 34 vjeçari me inicialet K. H.
Personat e arrestuar dyshohet që në bashkëveprim me forcë kanë depërtuar në brendinë e një dyqani dhe nga aty kanë arritur të kryejnë vjedhjen.
Policia në cilësi të provave materiale ka sekuestruar nga të dyshuarit:
- një automjet të tipit Passat
- para në vlerë 377.76 euro
- 50 denarë
- 2 shalle të zinj
- 2 kapela të zeza
- 2 palë dorëza pune
- 2 kaçavida
- 6 mbushje të telefonit
- 4 telefona
Personat e dyshuar pas intervistimit me urdhër të prokurorit janë dërguar në mbajtje për 48 orë.