22.8 C
Prizren
E martë, 7 Maj, 2024

Arrestohen tre të dyshuar për tentim vjedhje në “KESKO-KEDS” në Suharekë

Policia parandaloi një vjedhje në “KESKO-KEDS” në Suharekë, duke arrestuar të zënët në flagrancë.

Policia e Kosovës njoftoi se mbrëmë në mesnatë, një patrullë policore e Suharekës ka vërejtur persona të dyshimtë duke u munduar ta hapin me forcë derën në objektin e ”KESCO-KEDS” në Suharekë.

“Me ta vërejtur grupin prej tre personave të dyshuar, policët i kanë bllokuar hyrjet dhe daljet e objektit. Është konstatuar se të dyshuarit me vete kishin një kaçavidë të madhe dhe një levë metalike të cilat janë gjetur në duar të tyre duke u munduar ta hapin derën e zyrës,” tha zëdhënësi i Policisë Regjionale të Prizrenit, Hazir Berisha.

Policia po ashtu njoftoi se pas arrestimit dhe kontrollit detaj janë gjetur edhe një thikë, një llambë me bateri, një maskë e zezë dhe një kapuç i thellë ngjyrë e hirtë.

Gjatë verifikimit të identitetit të të dyshuarve sipas policisë, rezulton se të tre janë nga Llausha e Ulët e Podujevës dhe me dosje të shumta penale.

Pas intervistave në prani të avokatit mbrojtës është informuar prokurori i shtetit i cili ka nënshkruar vendimin për ndalimin e të dyshuarve.

“Vlen të theksohet se dy prej tyre janë të mitur. Hetuesit policorë po punojnë për zbardhjen e rasteve të tjera që dyshohet të jenë kryer nga ky grup i strukturuar e që besohet se ka mbështetje edhe nga persona tjerë. Policia ka siguruar dëshmi dhe video-incizime edhe për dy raste tjera,” tha Berisha./kallxo.com/

Më Shumë

Katër libra futen në karantinë, dyshohen të jenë mbushur me arsenik

4 libra në karantinë Ata që e kanë lexuar librin “Emri i trëndafilit” i Umberto Eco-s, apo kanë parë filmin me të njëjtin titull, padyshim...

Restaurohet shtëpia tradicionale e shek. XVIII e Adem Aga Gjonit në Prizren

Ministri i Kulturës, Rinisë dhe Sportit, Hajrulla Çeku ka thënë se njëra prej shtëpive më të bukura në Prizren po i kthehet shkëlqimi. Bëhet fjalë...

Lajmet e Fundit