19.8 C
Prizren
E martë, 16 Gusht, 2022

Arrestohet 21-vjeçari për vjedhje në Qendrën e Skijimit në Brezovicë

Dje rreth orës 06:20, stacioni policor në Shtërpcë ka pranuar një informacion për një rast të vjedhjes së rëndë që kishte ndodhur në Brezovicë të Shtërpcës, ku një person kishte vjedhur pajisje në teleferikun e Qendrës së Skijimit .

Në lidhje me këtë, policia e rendit dhe policët hetues të stacionit policor në Shtërpcë i kanë marrë veprimet e nevojshme dhe menjëherë kanë dalë në vendin e ngjarjes dhe kanë nisur hetimet .

“Pas një pune intensive hetimore të policëve hetues,  grumbullimit të informacioneve në terren, policët kanë arritur që të identifikojnë personin e dyshuar dhe vendin e ndodhjes së tij dhe rreth orës 12:00, të po të njëjtës ditë, kanë arrestuar personin e dyshuar me inicialet V.B (M/K) i moshës 21 vjeçar, i cili dyshohet se ka kryer vjedhje të rëndë të pajisjeve të teleferikut dhe kështu duke shkaktuar edhe dëme të mëdha materiale në infrastrukturën e Qendrës e Skijimit”, njofton policia, transmeton Gazeta Express.

I dyshuari, është shoqëruar në stacionin policor në Shtërpcë dhe pasi është intervistuar nga policët hetues, me vendim të Prokurorit të Prokurorisë Themelore në Ferizaj është ndaluar për 48 orë, për procedura të mëtejme hetimore.

 

 

 

Më Shumë

VIDEO/ Stresi dhe Noizy ngjiten së bashku në skenën e Alpha Show

Stresi dhe Noizy janë ngjitur për herë të parë së bashku në skenën e “Alpha Shoë”, koncertin që organizoi ky i fundit mbrëmjen e...

Kurti: Kosova është e interesuar për paqe dhe siguri

Pas takimit që zhvilloi Kryeministri Albin Kurti në Doganë të Kosovës tha se është shumë i kënaqur që sot patën vizitë përmbajtësore në Doganën...

Lajmet e Fundit