Policia e Kosovës (PK) njofton se është arrestuar M.V (27-vjeçar) nën dyshimin për armëmbajtje pa leje dhe posedim të narkotikëve.
Lajmi u bë i ditur përmes një njoftimi nga policia, ku thuhet se patrulla policore në fshatin Brodosanë të Dragashit gjatë realizimit të patrullimit ka ndaluar veturën të cilën e drejtonte i dyshuari.
“Gjatë kontrollit të veturës është gjetur një armë e shkurtë dhe një cigare, dyshohet të jetë marihuanë. I dyshuari është shoqëruar në stacion policor, i njëjti është intervistuar dhe ndaj tij janë iniciuar rastet: “Mbajtja në pronësi, kontroll ose posedim të paautorizuar të armëve’ dhe ‘Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, thuhet në njoftim.
Sipas policisë, me aktvendim të prokurorit, i dyshuari ndalohet deri në 48 orë.