21.3 C
Prizren
E enjte, 18 Shtator, 2025

Arrestohet edhe personi i tretë për një vjedhje në Suharekë, sekuestrohen qindra bizhuteri, një armë e një veturë

Policia e Kosovës, përkatësisht njësiti i hetimeve të stacionit policor në Suharekë ka arritur që ta arrestojë edhe të dyshuarin e tretë për veprën penale “vjedhje e rëndë”.

Sipas policisë, arrestimi i personit të tretë është bërë me dyshimin se i njëjti ka qenë i përfshirë në një rast të vjedhjes së rëndë të ndodhur më 29 mars të këtij viti në fshatin Sopij të Suharekës.

“Aty ishte vjedhur stoli ari, një laptop, pushkë gjuetie si dhe 30 copë fishekë. Në lidhje me këtë rast, hetuesit policor me urdhër të prokurorit të shtetit kanë realizuar një urdhër kontrolli në shtëpinë e të dyshuarit të tretë J.T.”

“Gjatë kontrollit në shtëpinë e tij, në cilësinë e provave materiale kanë arritur të gjejnë dhe të sekuestrojnë 39 copë rrathë dore bizhuteri, 38 copë byzylyk  dore, 57 copë zinxhirë qafe dhe rruaza, 37 vath, varëse për qafë, 13 copë zbukuruese bizhuteri, 26 unaza gishti, 11 copë unaza argjendi, dy copë zinxhir argjendi për qafë , dy orë dore për meshkuj, 15 orë dore për femra, 3 radiolidhje për komunikim bashkë me dy mbushës”, thuhet në njoftimin e policisë, transmeton Klankosova.tv.

Më tej, bëhet e ditur se gjatë kontrollit është sekuestruar edhe një veturë e tipit Golf 5, i cili dyshohet se është përdorur në rastin e kryerjes së veprës penale “vjedhje e rëndë”.

Kliko linkun

https://fb.watch/rlfd1uG06g/

 

 

Më Shumë

Totaj akuzohet për shpifje dhe dezinformatë

Kryetari i Komunës së Prizrenit, Shaqir Totaj, akuzohet nga Kompania Rajonale e Ujësjellësit “Hidroregjioni Jugor” për shpifje dhe dezinformatë. Kjo kompani ka ftuar për të...

Sindikata e Arsimit paralajmëron Qeverinë: Rritje pagash ose veprime sindikale, nuk përjashtohet greva

Kryetari i Sindikatës së Arsimit, Rrahman Jasharaj, tha se ndër kërkesat e tyre kryesore është rritja e pagave. Ai për Ekonomia Online tha se Sindikata...

Lajmet e Fundit