I dyshuari për vjedhje të stolive R.D. është arrestuar nga Policia në Prizren. Arrestimi i tij është bërë dje pasdite. Zëdhënësi i PK-së, Hazir Berisha tha se i arrestuar ka pranuar se ka vjedhur ari në vlerë prej 4 mijë euro.
“Në orët e pasdites së djeshme, hetuesit policorë nga Stacioni Policor i Prizrenit kanë arrestuar të dyshuarin R. D. me dyshimin e bazuar se i njëjti ditë më parë ka vjedhur sasi të konsiderueshme të stolive të arta nga një shtëpi në të cilën kishte hyrë duke përdorë forcën”, tha Berisha.
“I dyshuari, në prani të avokatit mbrojtës është intervistuar dhe është kuptuar se ari i vjedhur i vlerësuar rreth 4000 euro qëndron i fshehur dhe pritet që i dyshuari të tregojë për vendin”. I dyshuari po mbahet nën masë e arrestit policor. /PrizrenPress.com/