Policia e Kosovës (PK) njofton se është arrestuar A.B (49-vjeçar), nën dyshimin për vrasjen në tentativë të ndodhur më 6 maj 2023, në Mamushë.
Në njoftimin e Policisë, thuhet se sot, rreth orës 13:00, nga ana e hetuesve të Sektorit Rajonal të hetimeve të DRP të Prizrenit, është identifikuar dhe lokalizuar vendqëndrimi i të dyshuarit dhe më pas i njëjti është arrestuar, raporton “Betimi për Drejtësi”.
“Të dyshuarit A.B. i është gjetur ne posedim dhe me pas është sekuestruar nga krim tekniku në cilësinë e dëshmisë materiale një armë zjarri; Pistoletë model EKOL JACKAL dhe një karikator”, thuhet në njoftim.
Tutje, thuhet se të gjitha veprimet janë ndërmarrë në konsultim dhe koordinim me prokurorin, me vendim të të cilit arma e zjarrit e gjetur në posedim tek i dyshuari është sekuestruar.
“Me aktvendim me shkrim të prokurorit, të dyshuarit A.B. i shqiptohet masa e ndalimit për 48 orë dhe kundër të njëjtit ngritët kallëzim penal”, thuhet në njoftim.