Pas hetimeve intensive disamujore, hetuesit e Stacionit policor në Prizren kanë arritur ta identifikojnë dhe ta arrestojnë një të dyshuar me mbiemër Certik, njofton Polica e Kosovës.
Ai u arrestua mbi bazën e dyshimit se i njëjti, me datën 06 tetor 2015 kishte hyrë në barnatoren “City Farm”, transmeton Koha.net.
I arrestuar nën kërcënimin e thikës kishte kanosur punëtoren që t’i jepte paratë që ndodheshin në arkë. I dyshuari është intervistuar në prani të avokatit mbrojtës me ç ‘rast i janë prezantuar edhe dëshmi e incizime të kamerave të sigurisë. Pas intervistës, me urdhër të prokurorit të shtetit i dyshuari ndalet në mbajtje.