Të hënën në mesditë është arrestuar një burrë në Prizren, pasi që i njëjti ka qenë në kërkim policor për vjedhje të kryera në Prizren dhe Suharekë.
“Personi i dyshuar tashmë i arrestuar dyshohet të jetë përfshirë në gjashtë vepra penale ‘vjedhje e rëndë’, të kryera në Prizren dhe Suharekë, ku i njëjti ka depërtuar në lokale afariste dhe në mënyrë të paligjshme ka përfituar gjësende të ndryshme, të holla, telefona mobilë, pije energjike dhe të tjera”, shkruan në komunikatën e Policisë.
Pas marrjes në pyetje nga Policia, i dyshuari është dërguar në mbajtje me urdhër të prokurorit.