Pas një pune intensive hetimore nga hetuesit e rastit, sot, në orët e pasdites në Prizren është arrestuar i dyshuari E. Xh. i cili ishte i në arrati, bën të ditur Policia e Kosovës përmes një komunikate për media.
Policia shton se ai jetonte në arrati që nga data 20 qershor lidhur me rastin e shkaktimit të rrezikut të përgjithshëm, përdorim i armës dhe vrasje e mbetur në tentativë që pati ndodhur në rrugën “De Rada”.
“I dyshuari tani po intervistohet nga hetuesit e krimeve të rënda. I dyshuari ka treguar edhe vendndodhjen e armës të llojit kallashnikovë. Në vazhdim pritet urdhri i prokurorit për procedura të më tejme”, thotë PK.