Një person është arrestuar nga Policia e Kosovës në rajonin e Prizrenit.
Sipas njoftimit, personi i arrestuar ishte i kërkuar nga autoritetet ndërkombëtare “INTERPOL”, për vepra të ndryshme penale, përfshirë trafikimin me narkotikë.
“Menjëherë janë ndërmarr veprime aktive policore në funksion të identifikimit dhe lokalizimit të personit në kërkim ndërkombëtar, ku përmes angazhimit edhe të zyrës për bashkëpunim ndërkombëtar në kuadër të PK-së, si dhe prokurorisë kompetente personi i pandehur ndalohet dhe shoqërohet në Polici për vazhdim të proceduarve të mëtejme ligjore”, thuhet ndër të tjera në njoftimin e PK-së.