Policia ka arritur të arrestojë personin që shkeli për vdekje një këmbësor në Dragobil të Malishevës.
I arrestuari është A. B. nga fshati Shkozë.
Ai, pas aksidentit ishte arratisur.
Burimet e “PrizrenPress”-it bëjnë të ditur se i dyshuari ka qenë në kërkim të policisë edhe për vepra të tjera.
“ I arrestuari është dërguar në burgim, ndërsa rasti për aksidentin po hetohet”, tregon një burim brenda Policisë.
Këmbësori i aksidentuar në Dragobil të Malishevës nuk u ka mbijetuar plagëve të shkaktuara si pasojë e goditjes nga një automjet më 26 dhjetor.
Si pasojë e lëndimeve të rënda trupore i aksidentuari ka vdekur në QKUK./PrizrenPress.com/