Gjatë fushatës parazgjedhore, aderimet ishin ndër pak gjërat me të cilat mund të krenoheshin subjektet politike.
Intelektual dhe njerëz nga shoqëria civile iu bashkuan subjekteve për t`ua përmirësuar imazhin tek votuesi, por edhe me qëllimin që pasi të përfundojnë zgjedhjet të marrin “pjesën e tyre”.
Nga ajo që kemi parë deri tash asnjëri prej personave që aderuan në PDK e LDK nuk janë përfshirë në postet e reja qeveritare, shkruan GazetaBlic.
Gjatë fushatës së zgjedhjeve të 8 qershorit, ndër emrat që iu bashkuan PDK-së janë: Ardian Arifaj, Ramadan Ilazi, Ardita Statovci, Margarita Kadriu, Ramiz Kelmendi etj. Mirëpo, asnjëri nga këta nuk janë pjesë e qeverisë Mustafa. Mbase, si pasojë e kësaj mund të ketë dhënë dorëheqje nga PDK-ja Margarita Kadriu.
Po ashtu në LDK aderuan personalitete si Valon Murtezaj, Bajram Gecaj, Bardhyl Meta, Drita Kongjeli etj. Mirëpo as këta nuk i kemi parë të jenë sistemuar diku nëpër ministri.