Kuvendi Komunal i Malishevës, sot ka vazhduar me mbajtjen e mbledhjes urgjente, ku pikë kryesore e rendit të ditës ishte zgjedhja e kryesuesit të Kuvendit të Komunës.
Me shumicë të votave, kryesues i KK të Malishevës, u zgjodh Aziz Thaçi nga radhët e IQM-së, i cili mori 20 nga 31 votat e mundshme.
Kuvendi i Komunës së Malishevës, kishte mbetur pa kryesues, pasi ish kryesuesi zEnver Hoti, ka marrë pozitën e deputetit të Kuvendit të Kosovës.
Në mbledhjen e sotme, ka dhënë betimin, edhe Veton Kastrati, i cili zëvendëson tashmë deputetin Enver Hoti.