28.8 C
Prizren
E diel, 14 Korrik, 2024

Ballkani triumfon në ndeshjen e parë kualifikuese në Ligën e Kampionëve përballë Santa Coloma

Ballkani ka fituar 2-1 me Santa Coloma në 1/8 e fazës kualifikuese në Ligën e Kampionëve.

Ndeshja nisi me një ritëm të qetë, por që vendasit kaluan në epërsi në minutën e 22-të.

Youssef El Ghazoui ishte ai që shënoi për 1-0, duke e lënë Enea Koliçin pa gjasa për të reaguar.

Por, Ballkani u rikthye pas vetëm 20 minutash, kur shënoi për 1-1 me anë të Lindron Emerllahut, që realizoi nga penalltia.

Me kaq edhe përfundoi pjesa e parë, derisa në 45 minutat e dytë nuk kishte shumë nga dy ekipet, por që kampioni i elitës së futbollit kosovar shënoi golin e fitores.

Ilir Daja tenton që me disa zëvendësime të përmbyste rezultatin, derisa strategjia e tij funksionoi shumë mirë.

Bernard Karrica ishte heroi i Ballkanit, kur realizoi për 2-1 në minutën e 90+2-të, për t’i siguruar ekipit kosovar një fitore tejet të rëndësishme.

Ballkani do të luajë edhe ndeshjen e dytë, por tani si vendas, duke synuar që të mbyllë kalimin në rrethin tjetër kualifikues në Ligën e Kampionëve. /Telegrafi/

Më Shumë

Messi dërgon Argjentinën në një tjetër finale të Copa America

Kampionia në fuqi, Argjentina, rezervoi vendin e saj në finalen e Kupës së Amerikës, pasi golat e Julian Alvarez dhe Lionel Messi i dhuruan...

Liria përforcon mesfushën me Qerimin

Liria po vazhdon me përforcime. Skuadra prizrenase sot ka zyrtarizuar mesfushorin, Egzon Qerimi. 30 vjeçari së fundi ishte pjesë e skuadrës së Ferizajit, derisa gjatë karrierës së...

Lajmet e Fundit