Banorët e lagjes Marosh të fshatit Damjan tw Hasit në Komunën e Gjakovës, kanë marrë një vendim jo të zakonshëm.
Ata kanë vendosur të ndalojnë vizitat nga politikanët gjatë fushatave zgjedhore.
“Edhe shkaku i pandemisë por edhe sepse na kanë shfrytëzuar, asnjë politikan nuk ka të drejtë të vijë në lagjen tonë. Kjo lagje është më e madhja e fshatit Damjan dhe vendimi është i përbashkët me të gjithë banorët. Jemi të zhgënjyer nga të gjithë politikanët, ne e kuptojmë se gjithçka nuk mund të rregullohet brenda një viti, por jo të presim 20 vite që të na rregullohet së paku rruga”, ka thënë një banor i kësaj lagje në “Mëngjesi me Arben Ahmetin” në Kanal 10, transmeton Portali.info.